金融海嘯下，市況反覆，各界都受影響。年底結婚的鄭詩韻，為籌辦婚禮和經濟差而消瘦，專為銀行客搞公關活動的她，直言生意下跌兩成，更怕金融界的賓客在婚宴上心情差。
韓國護膚品Mioggi昨日在中環舉行午餐會，袁彩雲、榮文蔚和陳姿允等都有捧場。負責做公關的鄭詩韻，消瘦不少，問她可是婚前地獄式減肥，她說：「係地獄式一日食一餐，但唔係減肥，係忙於搞婚禮，同埋好多嘢搞，因為擔心經濟差，我哋公關公司好多銀行客、財經公司、上市公司，𠵱家有啲都唔存在，有個樓盤客本來11月搞，𠵱家延期到下年3月，同埋有啲財困，連周年晚會都取消。」
百萬頸鏈嫁妝
鄭詩韻續說：「本來每年9月至12月係旺季，今年到𠵱家已經少咗兩成生意。」問她自己婚禮可會受影響？她說：「都擔心啲guests心情唔好。」
提到和陳鴻業的婚禮，鄭詩韻即時心情好，她已訂於12月16日在君悅酒店行禮和擺酒，順道預祝她17日生日，她說：「之前買咗大量SPA、facial套票，𠵱家都要密啲去做，怕佢執笠。」她早前去蘇富比競投一頂頭冠結婚用，但不成功，最終買了一條價值百多萬元的鑽石頸鏈，是母親送給她的結婚禮物。問她有否收千萬禮金？她笑說：「兩家人好客氣咁坐低傾，希望有啦。」她更笑言為保最美一面，也會禁慾留待新婚之夜。
陳姿允慳住使
同場，已故設計師俞儷軒的女兒、任職股票行業的陳姿允，都謂受到市況影響縮皮，她說：「你見我呢個時間都咁得閒食飯就知，以前年尾花紅會派9至12個月，我估今年會冇得派。以前行街行連卡佛，𠵱家要行連卡佛warehouse，我自己嘅股票都蒸發咗三到五成。」但她謂不擔心，更準備等兩、三個月後，撈底掃貨。
採訪：RitaLeung
攝影：DickyChan
