無綫新劇《烈火雄心III》由開拍至今就不停傳出是非，其中王喜被指擅自改劇本，另外又傳他和鄭嘉穎「面左左」不和，探班時經常見到兩人拍戲時完全沒有交流。昨日《烈》劇在土瓜灣拍結局戲，全部飾演消防員的演員包括王喜、鄭嘉穎及黃宗澤齊齊到場拍攝，由於是星期日假期關係，吸引大批街坊聚集在街上一齊看拍戲，有街坊更趁機找演員影相留念。
王喜和鄭嘉穎兩人昨日仍然沒有太多交流，不過當記者要求兩人合照時，王喜主動搭鄭嘉穎膊頭影相，不過合照完兩人即各有各忙，鄭嘉穎則和黃宗澤有傾有講，狀甚老友。
黃宗澤撐林峯
談到無綫台慶頒獎禮視帝之爭，鄭嘉穎說：「我睇好郭晉安演《古靈精探》，佢做得好好，但套劇年初播出有啲蝕底。」至於黃宗澤就稱一直都睇好林峯，他說：「不過最近又有傳夏雨機會大啲，不如一人一個，分咗視帝同埋我最喜愛的男角色就皆大歡喜喇。」
採訪、攝影：藍文浩