謝霆鋒（右）同廖啓智（左）合演嘅《証人》裏面以一場車禍戲揭開序幕，佢哋兩個要喺車度滾動成幾十個圈，撞到遍體鱗傷，佢哋都話仲辛苦過拍打戲。由於係危險動作，所以電影公司為霆鋒買咗八位數字保險，至於喺「車廂人肉洗衣機」度演出，霆鋒就笑笑口話：「我真係係咁不斷碌，好似玩機動遊戲咁。」結果架車轉咗30個圈先完成拍攝。