今日〈你想知 想講 想問？〉問題見刊各版，請即上《蘋果》網頁http://appledaily.atnext.com留言喇！
或電郵至mailto:[email protected]
傳真：37112411
手機短訊：63836568
本欄會選登部份讀者的回應。
●有62年歷史的連鎖式電器零售店泰林結業，零售業工會預計倒閉潮將持續。你對此有何看法？
經過咗金融風暴同沙士，好多機構都元氣大傷，未完全回復，𠵱家仲嚟個金融海嘯，點撐？政府話貸款畀中小企度過難關，有鬼用咩？──SOJ
有冇金融海嘯，U-Right、泰林等執笠只是遲早的事。冇做好市場調查，就急速喺本地，甚至大陸擴張，結果收入來源只靠幾間大舖。──表姪
●金管局總裁任志剛前日指有關他與特首曾蔭權不和的傳聞都是「挑撥離間」。你對此有何看法？
自古官場多詭詐，好官言必及義，庸官言而無信，言行相悖，過猶不及。雙曾與任總各自表態張揚合作關係良好，實屬除褲放屁，多此一舉，此地無銀三百両，高官互扯貓尾之伎倆。葉劉金句：「大家放長雙眼睇啦！」──Becky
香港市民生活在水深火熱的環境中，有冇人去理會他們的經濟狀況？冇喎，一窩蜂咁去幫啲雷曼苦主，不知所謂！──shutupmate415
●日前秀茂坪發生冷血劫案，一名婆婆遭獨行賊毆劫。你看後有何話說？
上班前，我通常會到寶雲道行山，曾多次碰過便裝警察上山巡邏。寶雲道是非富則貴聚居的地方，未知秀茂坪會否有同等服務。──crowberry
不如發起每人一百蚊，懸紅捉呢條友，打……──ACAC