金融海嘯深不見底，連一向報喜不報憂嘅煲呔，都話影響深遠，相信經濟衰退、通縮等日子又重臨；身為一個97年後畢業投身社會嘅中生代，原來已經渡過亞洲金融風暴、沙士同今次3大風浪；猶記得沙士時期，10幾萬一層樓、一蚊一隻雞都冇人食，38蚊唱K可以唱足一日。
好多經濟分析員都講，𠵱家最好揸多啲現金在手，因為今日嘅10蚊。下年價值可能變成11蚊；小弟樂觀啲，就係把握機會搵多啲錢；周六西甲馬德里打吡戰，馬體會同皇馬都攻得又失得，就博呢個入球「大」，希望可以資產增值。
大細：馬德里體育會大
心得：皇馬冇乜邊場唔失波
近5場往績：LLLWL
牽牛
列貝利、拿斯尼、哥古夫……個個都叫「新施丹」，不過施丹喺我心目中只得一個！