三色台每年生日都搞爭獎禮，啲小生花旦大鬥法爭獎，好似「大隻兒」一直都恨做花旦王，不過連公司都嫌佢未夠班，佢為咗攞獎玩扭計，於是放風話唔續約，因為佢覺得自己幫公司賺咗好多錢，又拍咗咁多部劇集，冇功都有勞。點知公司唔賣賬，仲將佢打入冷宮，佢惟有死死氣續約。
大小通吃唔值錢
其實大隻兒又真係好搏命搵錢，佢乜騷都做，關仁收到有啲廣告商嫌佢接得太濫，大小通吃，咁就開始唔值錢。做藝人好靠運氣，大隻兒深明要喺自己仲有價值嘅時候爭吓獎，但係佢唔知三色台啲高層從來都受軟唔受硬㗎嘛！ Textby關仁
