青春靚女「海皮」憑住樣靚歌聲甜，成為唔少後生仔嘅偶像，佢出道以嚟同過唔少男歌星傳出緋聞，不過最廣為人熟悉嘅當然係同「大鼻仔」嘅戀情。不過另一方面，海皮又俾人話係同性戀，不時俾人發現佢同啲tomboy出雙入對。早排海皮同「天真妹」俾人影到一齊蒲同志吧，啲相好明顯佢兩個係肩並肩同行，但海皮竟然擘大眼講大話，同記者講話當晚完全見唔到天真妹，佢係咪真係當啲記者同讀者係白癡㗎！關仁八到其實海皮同天真妹唔係約埋去蒲吧，而係咁啱撞到，大家仲有打招呼。其實後生女去蒲吧消遣吓都好正常，海皮使乜講大話呢，唔通佢自己真係身有屎唔敢講真話？
Textby關仁