日本國家隊周中世盃外10強賽主場頭炮僅和烏茲別克1:1，令人失望，據聞田中鬪莉王今季打到殘，所以表現失準。
早排到鑽石山A記專門店入了件日本國家隊波衫，主要因為有折扣（淨係得呢間有，其他都做緊正價），黃色領口幾特別，尤其𠵱家天氣開始轉凉，唔怕焗熱條頸。其實係日本，A記最近亦復刻了數件日本國家隊嘅舊波衫，分別係89年、93年，同埋97年款，89年嘅係紅色，十分少見。
今周推介川崎前鋒作客贏清水心跳，後者上次無故作客大炒FC東京，而前鋒爭緊聯賽冠軍，冇留手，一於捧W。
主客和：川崎前鋒勝
心得：爭聯賽冠軍冇留手
近5場往績：WL///
戰鬥員A
同足球有關嘅周邊物品都鐘愛，賭波就專攻日職聯。