陳奕迅（Eason）的父親陳裘大今年2月被診斷患上肝癌，因申請「釋前就業計劃」而獲假釋出獄。徐濠縈前晚出席活動被問及老爺的健康狀況，她表示OK，但到現時大家仍未團聚食飯及聯絡。她坦言因為風聲緊，所以還是低調較佳。
徐濠縈和黃偉文（Wyman）前晚在尖沙嘴出席比利時時裝品牌MaisonMartinMargiela活動，徐濠縈一身潮服出現，被問及老爺陳裘大獲假釋後是否已見過面及一齊吃飯？阿徐說：「我知大家都好緊張，我啱啱喺北京返嚟，日日有記者等，我哋仲未一齊食過飯，都未有電話聯絡過，呢排風聲緊，低調好啲，我哋夾咗㗎，總之其他事由陳生安排。」
炒樓賺囡囡生活費
每當談到有關老爺的事，阿徐好像毫不關心，問她可擔心別人誤會？她說：「我唔怕人哋話，關唔關心唔對外講。」她表示近日常被記者跟蹤，連女兒上學，她也不能親自接送。問到老爺健康情況如何，阿徐說：「OK啦！」再問是否不如外傳般嚴重，她說：「唔講咁多，暫時OK。」她承認老公自老爺假釋後很開心，問到陳裘大是否真正重獲自由，阿徐提高聲線說：「係，梗係，睇報紙有講咪知囉，有啲嘢要律師透過法律程序去解決，我冇問Eason咁多，佢對自己阿爸了解多啲，我忙住湊女同工作。」
另外，近日金融海嘯，Eason未有損手，阿徐說：「我哋唔投資金融同基金，我哋只買樓保值，不過之前間屋放咗啦，𠵱家租屋住，遲啲睇準再入貨。」她又誇口表示投資賺到的錢夠女兒生活費，至於何時再入市，她笑說：「要問吓何超儀先，佢好叻又有眼光，佢唔郁我唔郁，佢郁我先郁。」
Wyman同王菲爭衫
同場的Wyman表示很喜歡MaisonMartinMargiela的服裝，他試過與王菲爭衫買，不過現在王菲長居北京，已很少與他爭衫。他又表示在雜誌上看見一些冇型人着了型人衫，碰巧他也有這件衫，不過為了冇型人着過，他是不會再着這件衫出街。
採訪：魯萍 攝影：林德雄
