大部份人都覺得賭仔冇發達，沉迷賭博嘅人亦好乞人憎，畢傑絕對同意。不過好似我呢啲打工仔人工唔多，唔靠一時手風順每個禮拜執番2、3千蚊，真係維持唔到生計。
上期推介玻利維亞，結果大炒秘魯3:0買乜都贏，造就本欄7連勝，連坐我後面位嘅青蛙仔都羨慕我戰績。同你講吖青蛙，我目標唔係你，係藍鑽石上季喺開倉版保持嘅10連勝紀錄。周董啱啱出咗新碟《魔杰座》，原本有首歌叫《失戀的青蛙》（𠵱家改咗），歌名啱晒你啦！今周要艾美利亞平手，下期「近5場往績」只會出現WWWWW或DWWWW。
讓球：艾美利亞（平）
心得：西維爾冇前鋒
近5場往績：WWWWW
畢傑
就算朗拿度點沉淪，我依然最愛呢個死肥仔；聖西路小天地唔啱你，請過祖記。