喺80年代中啱啱睇波嘅時候，除咗拜仁慕尼黑之外，我亦都好鍾意愛華頓，但只係捧咗幾季。記得當時嘅愛華頓有我最愛嘅連尼加，仲有「雙史」史堤芬斯同埋史堤芬，佢哋兩個靚仔一個打右閘、一個打右中場，右路玩晒，真係好鬼搶鏡。猶記得愛華頓喺85/86球季嘅英足總決賽反輸俾利物浦1:3，心都傷晒。到𠵱家我都係認為，如果當日唔係修夫賀傷咗，要由緬斯守龍，愛華頓應該攞到冠軍。
今時今日唔再鍾意愛華頓，撇開感情因素唔講，佢哋今季個form好麻麻，所以禮拜六作客到阿仙奴，點可能唔支持阿仙奴呀？
讓球主客和：阿仙奴勝[-1]
心得：信自己開到4連勝
近5場往績：WWWLL
青蛙仔
睇德國波同埋英國波大，大個之後攻埋日本波，兼且對日本藝能界幾有研究。