梁漢文與女友林文慧（Karen）結束十年愛情長跑，於12月18日拉埋天窗，梁漢文坦言心情緊張，並表明在婚宴上一定滴酒不沾唇，遭取笑是要保持清醒洞房。楊千嬅則揚言願意代頂酒，而姊妹團成員之一的何韻詩則考慮穿西裝上陣。
現年36歲的梁漢文和女友林文慧將於12月18日舉行婚禮，一對新人積極籌備中，準新郎前晚出席天星碼頭舉行的MOOV.hk革新活動，同場還有楊千嬅、何韻詩、薛凱琪及蔡卓妍（阿Sa）等。
揚言滴酒不沾
梁漢文表示婚期逼近，心情十分緊張，初時以為還有一段時間，但現在只有兩個月時間，早前喜帖已印製，禮服也完成，不過女友的晚裝仍在製作，他說：「平日登台已經不停換衫，所以今次我一套禮服搞掂，唔換咁多衫。」他又自言要保持清醒，當晚不可以飲醉酒，記者取笑他是否要清醒洞房，他說：「唔係呀，我係希望保持清醒，睇清楚呢次人生大事啫。」
楊千嬅則謂去年已知悉梁漢文婚訊，不過她答應過要保密，她說：「佢唔准我講出嚟，秘密守得好辛苦，佢話唔想飲醉，不過一定有人隊酒，咁我咪為佢頂酒囉，我仲送埋BB禮物畀佢哋，如果BB要上契都冇問題㗎。」問到千嬅可會閃電結婚，她笑說：「天大地大冇得閃嘅，呢個圈冇秘密，一切隨緣啦！」
阿詩厭惡着裙
至於一向喜作中性打扮的何韻詩，今次身為姊妹團成員之一，但她甚抗拒穿吊帶裙，並揚言會改穿西裝，她苦笑說：「佢哋為咗要笑我，一定唔會將我飛出姊妹團，不過要着裙真係幾核突，要着低胸高衩露背，睇吓到時情況點先決定。」另外，有報道指東亞老闆林建岳因金融海嘯蝕掉6千萬，稍後出碟的阿詩表示，若公司真是運作有問題，她願意作出配合。
採訪：李佩洳 攝影：黃文偉