馬賽噚日喺電視城為參選國際小姐試穿民族服裝和晚裝，張舒雅、陳倩揚同高海寧帶咗啲日用品幫佢打氣，講到今次參選信心，馬賽竟然話佢唔志在攞獎，只係為經驗，高海寧聽到即刻同佢補鑊，佢話馬賽係話信心一定有，只係以平常心面對，之後馬賽又話佢唔覺得自己嘅身形輸蝕，反而覺得嬌小玲瓏嘅身形對佢有幫助。