今場英超阿仙奴主場迎戰愛華頓，本來應該實食冇黐牙，可惜噩運降臨，中場法比加斯因為周中替西班牙國家隊上陣時不幸撞斷鼻樑，隊長加拿斯及右閘沙格拿都相繼受傷，應該會缺陣，阿仙奴今次真係大件事喇！
中後場缺少了幾位主力，加上已經有兩場聯賽贏唔到，就連以往最厲害的主場，都給侯城打破不敗紀錄。
雖然落後車路士同利物浦4分，老實講真係有心無力！而愛華頓就經歷了失望的開季，現在絕對是搶分的時候，幸好他們歐協外圍賽已出局，可以專心打聯賽，加上領隊莫耶斯剛與球會續約，應該可以帶球隊重上軌道，今仗應該有力保持不敗。
nowSports主持 依雯
電郵：mailto:[email protected]