憑主演台劇《命中注定我愛你》爆紅嘅阮經天，噚日下晝1點幾到咗香港機場，一身便裝牛仔褲、戴住墨鏡同cap帽，雖然有助手，但佢都自己推行李，絕冇擺架子。大會好緊張兼大陣仗，派咗五個保安保護佢，不過嚟接小天機嘅就只得四個fans，場面都幾冷清，不過難得小天都好阿Q精神咁話：「我好開心！」佢夜晚仲去咗出席Dsquared2派對。