薛家燕（好姨 右）同鍾慧冰前晚錄影《東張西望之共抗金融海嘯》，好姨唔見咗兩三成身家，近日有好多地產經紀問佢賣物業，佢話：「我嘅股票同物業都唔見大嚿錢，啲樓係長線投資，我會留嚟收租。金融風暴係世界性受到影響，我呼籲大家唔好灰心，睇定啲，唔好消極。」至於有傳損失千萬嘅鍾慧冰就話心情平復咗，費事連健康都冇埋。