蒙嘉慧（YoYo）昨日應邀到九龍灣Megabox出席飛行體驗香港旗艦店開幕，大會送上一套飛機師服及飛行券給她，她將其中一張轉贈給歐倩怡，而不是男友鄭伊健，她說：「因為歐倩怡好鍾意有關飛行嘅嘢，加上適逢佢生日。」
稱不收厚禮
在全球金融海嘯下，有傳YoYo炒孖展蝕錢，要伊健出手貼20萬元填氹，她說：「我真係有孖展，有孖人牌鉸剪同餐刀，咪孖剪囉，兩樣價值唔超過一千蚊。」YoYo強調沒有投資，也否認因此事和男友鬧交，並自稱是投資白癡，她說：「唔想提心吊膽，我係低風險人士，唔可以受壓，見到身邊有朋友炒股蝕錢好慘。」問到伊健可有出錢資助她，YoYo說：「唔得，我車都係自己畀錢買，人哋送禮物我都唔會收，尤其太貴重禮物。」
採訪、攝影：魯萍