張韶涵喺12月會推出新專輯《ANG5.0》，佢前日喺台灣向踢踏舞大師彭丞佑（左）拜師學藝，佢向師傅送上親手炮製嘅勁甜咖啡，仲要師傅一口飲晒。張韶涵話：「希望彭老師喝了不要有糖尿病！」小瑪歌聽到都忍唔住講句大吉利是。張韶涵話自己身體唔夠柔軟，慶幸跳踢踏舞只需用雙腳配合節奏感，佢唔單止應付到，仲可以挑戰高難度舞步。