曾經參演過《霍元甲》同《赤壁》兩部大片嘅日本男星中村獅童，佢嘅演員父親小川三喜雄上個星期六因為胃癌逝世，享年79歲，小川三喜雄係日本歌舞伎第三代傳人中村時藏嘅三子，亦係第一代中村獅童。今日中村獅童會為爸爸守夜，聽日舉行喪禮。獅童𠵱家喺大阪梅田藝術劇場演出舞台劇《黑部的太陽》，但佢冇因為爸爸過身而休演。