英國渠務商人保羅大衛臣欲收購西甲馬略卡一事，已得到馬略卡法院批准，預計好快成事。金融海嘯席捲全球，喺呢個時勢仲投資足球都幾令人𢱑頭，但原來佢只要畀馬略卡3,800萬歐元（約4億港元）就買到隊波超過9成股份，咁平，唔怪得肯出手啦。估唔到一間西甲中游球會咁平，同英超球會差幾皮，呢個亦可解釋何解佢唔投資喺自己國家。