昨日是鄧麗欣（Stephy）25歲生日，前晚她與金牌公司同事在中環蘭桂坊搞迷彩派對，兩位緋聞情人方力申、葉念琛雙雙到賀，而好姊妹楊愛瑾及吳雨霏均有出現，只有死敵傅穎繼續唔畀面缺席。
昨日是鄧麗欣25歲生日，前晚她在中環一間意大利廳餐舉行生日派對，請來金牌公司同事慶祝，包括方力申、葉念琛兩大緋聞男友，好姊妹楊愛瑾（Miki）、吳雨霏（Kary），還有小肥及老闆黃柏高等，今次主題是迷彩look，壽星女Stephy身上也貼有迷彩貼紙，問到生日願望，她希望工作順利，努力賺錢。
四餅獨欠傅穎
當Stephy到場時有一名醉酒男士輕攬其纖腰，嚇得她即時彈開，並坦言被嚇親，因為她最怕醉酒佬，Stephy苦笑說：「有俾佢掂到少少啦！」當Miki來到時，也被一名外籍男士要求影相，她也大方合照。
是晚大部份來賓都兩手空空，Miki和Kary則只獻上香吻作禮物，但全晚不見死敵傅穎（Theresa）出現，Stephy說：「我有搵佢嚟，我send晒短訊畀大家，可能佢第二日一早有工作，而且佢一向好早瞓。」問她可擔心再有不和傳聞？她說：「唔會，Theresa唔係夜蒲嘅人，冇所謂啦，大家唔好咁敏感。」
方力申到埗時從後門進入，故在離開時才出現，他說：「唔係有心行後門，因為架車喺後門停，我又唔識路，我唔係鬼鬼祟祟㗎。」小方表示沒有送生日禮物，不過有唱生日歌。大夥兒玩至凌晨才離去，除了老闆黃柏高一身酒氣外，眾人均未有醉倒。
採訪：藍嵐 攝影：陳俊強
