日產喺啱啱嘅周日舉行新車Preview，兩款新車分別係房車Teana同埋五門SUV款式嘅Murano。Teana即係Cefiro，新車同樣以高級行政房車格登場，代理更以中文「天籟」命名，擺到明係高格調兼顯示對新車性能操控嘅絕對信心。Teana採用2.5公升VQ系列嘅V6偈再搭配CVTC無段式波箱，馬力輸出達182匹。至於全新09年式Murano，外形如一部體形似SUV嘅房跑車，3.5公升引擎搭配ALLMODE4x4-i全智能四驅系統，可想而知操控性有幾強，如無意外，下個星期正式全面登場。
全新Teana共有六種車身顏色供選擇。