追南美雙雄贏盤者，終於恨到囉
英格蘭小獅必不留手
今輪國際賽，小心球星勒住踢，以迎接周末球會大戰
網誌日期：2008-10-13
好多人都怕老怕走樣，禮拜日無意中睇到一個關於抗氧化素嘅電視節目，當中從一個研究發現最能對抗所謂「自由基」嘅抗氧化素蔬菜，竟然唔係好多人一直以為好有益嘅西蘭花，而係我嘅菜芯同白菜，睇怕要食多啲。
至於飲紅酒亦相當有益，多飲人都靚啲，唔怪得喺呢個動盪嘅經濟環境中，有人高呼「紅酒萬歲」，炒買又得，自用仲妙。
生活唔檢點令人衰老，不過好多人尤其係後生仔都唔會太在意，青春大把，食煙飲酒如溫水煮青蛙，有排都未燒到埋身，點都勸唔聽，食幾多蔬菜都冇用啦！好似，大家有冇發現前幾年巔峯期，腳頭如重炮嘅巴西箭頭阿祖安奴，近年身形暴脹樣貌憔悴（只係26歲咋，陰功），一睇便知生活唔檢點；肥頭耷耳，踏入下半年算是行運，得國米摩帥自巴西流放後召回巢，又再能代表巴西國家隊，應該好好珍惜。
見到佢射波腳頭不復以往勁，有高人傍住（喺國米係伊巴，巴西係羅賓奴），近期都入到波，但咁操法都未收身，想好似股市咁，低位勁彈，睇怕入冬後要打少啲邊爐囉！
蘋果波神個人資料
英國足球狂熱，願能年年去朝拜。
（逢周一至周五見報）