噚日滙豐執董王冬勝為「少年財務策劃師大賽」頒獎時，語重心長向班學生哥講，希望大家增值，提高金融知識，投資時就唔會唔知買咗啲乜。 華華後嚟同呢個比賽嘅冠軍──五位喇沙書院學生傾偈，五位少年人話，比賽最大得着係唔好信晒股評人，因為佢哋有利益衝突喎；又話一定唔會買教育基金，因為管理費太貴，回報差過擺銀行收息。