7月再誕下女兒Jaden的鍾麗緹，昨日產後首度復出工作，仍然未收身的她，自爆坐月期間日日雞湯補身，暴肥50磅，她又謂堅持餵母乳卻不夠奶水，又擔心內地毒奶粉，不過只要每朝見到女兒笑，就一切辛苦都值得。
與前夫育有一女的鍾麗緹，7月底為現任丈夫、內地唱作人嚴錚誕下女兒Jaden，之後一直留在北京坐月、湊女。昨日她專程由內地來港，到中環HarveyNichols為EsteeLauder剪綵，同場還有榮雪梅、翁嘉穗、吳婉芳和顧美華等。
取名子晴夠溫柔
產後首度曝光的鍾麗緹，明顯未收身，她一談到女兒就眉開眼笑，神采飛揚。鍾麗緹透露愛女改名嚴子晴，她說：「𠵱家兩個幾月，個名係朋友嘅爸爸根據佢嘅八字嚟改，因為個女性格比較男仔頭，想佢可以溫柔啲。」鍾麗緹揚言身為人母，湊女辛苦但值得，她溫柔地說：「我好鍾意個女，每朝見到佢睩大眼笑，我就覺得好開心，好鍾意佢笑。」
鍾麗緹又分享湊女的苦與樂，她說：「要快啲喼弗，因為生完BB，坐月唔使郁，好肥，肥咗50幾磅，一個月唔可以出街，仲日日飲雞湯，重過陀BB嗰陣。」她又謂：「已經開始減肥，戒鹹戒甜同澱粉質，𠵱家仲有20幾磅。」
奶粉有毒好恐怖
本來鍾麗緹堅持餵人奶，她說：「餵人奶又方便、又快收身，又對BB好，但今次啲奶唔夠多，食咗一個月，𠵱家BB要轉飲奶粉，又擔心啲奶粉，件事好恐怖，BB乜都唔識，所以都係喺香港買啲日本奶粉返去。」
自己有幸福家庭，對於舊愛郭富城和熊黛林甜蜜關係再度曝光，鍾麗緹說：「唔知啦，冇乜聯絡，不過都會祝福佢！」
採訪：LawWaiMan
攝影：WongWaiHung