泳兒噚日喺銅鑼灣舉行生日派對,佢遲咗成45分鐘先至到場,事後佢解釋話因為反轉咗件衫嚟着,所以要喺髮型屋整番好件衫先可以出發。泳兒話早前睇風水,風水師就叫佢要着多啲紅色、粉紅色同紫色嘅衫,因為可以旺桃花同人緣,泳兒又話近排真係多咗追求者,而且質素比起以前越嚟越高,啲男仔好多有事業之餘仲有靚樣。