袁詠儀、馬德鐘同戚美珍主演嘅無綫新劇《金錢誘罪》，噚日喺將軍澳電視廣播城拍攝節目巡禮。袁詠儀話早前拍《疑情別戀》反應一般，佢就話呢次會對劇本要求更加審慎，喺套劇入面佢同羅嘉良仲有場強暴戲。對於有雜誌話佢狂插佘詩曼，袁詠儀就話：「我話如果阿佘同鄭嘉穎真係拍拖，我會祝福佢哋，佢哋歪曲我嘅回應。」