上周五港股受外圍市況惡劣拖累而繼續下跌，投資者信心依然不濟；銀行同業拆息亦未有因救市而下降。嘉賓指要看見銀行同業拆息回落，環球股市才有機會轉好。
喬：比聯金融產品衍生工具部策略師 張小喬
傑：視像嘉賓輝立證券董事 黃瑋傑
碩：嘉賓主持亨達集團研究部董事 黃敏碩
碩：恒指繼續下跌，外圍市場依然令人憂慮，銀行同業拆息仍然高企，環球股市究竟點樣先至可以回穩番呢？
傑：銀行同業拆息高企不單止香港有呢個情況，股市跌得急都係因為多國央行出手救市後，銀行同業拆息都無降番落嚟所致；環球股市如果想反彈，就要視乎銀行同業拆息有無回落喇。
喬：本港銀行同業拆息高企的確不利於高負債股份，如基建股同地產股；而股市要再走多半年先可以反映晒所有經濟上嘅壞消息，所以恒指現時嘅市盈率只係幻象，如果第四季港股持續下跌，我相信藍籌股每股盈利都會跟跌，所以建議等恒指再多跌2000點左右先好考慮入市，而現時最好持90%現金為上策。
click入 http://finance.appledaily.com以webcam參與節目及收看
歡迎phonein28698262暢談心得亦可email至mailto:[email protected]搶先貼股
