可愛教主楊丞琳日前被拍到去髮型屋整頭髮,佢仲將留咗5年嘅招牌劉海造型改為露額裝,有指曾經有相士話過佢24歲開始行「額運」,仲建議佢要多露出額頭求好運,唔知佢係唔係寧可信其有,所以急急改變髮型。不過小瑪歌就記得之前佢同好姊妹林依晨曾傳不和,當時就有指楊丞琳唔滿意林依晨抄佢個劉海髮型,為免惹是非林依晨仲即刻將前額頭髮梳起,點知𠵱家楊丞琳改髮型,唔知佢又會唔會倒轉頭俾人話抄襲呢。