昨日有指張栢芝懷孕，謝婷婷昨日亮相馬場時，拒絕回應阿嫂有喜之說，但就大談當年看父親謝賢主演的《千王之王》的笑料。至於近期人氣勁旺的徐子珊，穿deepV展示胸前大痣。
謝婷婷、徐子珊、林峯、利孝和夫人及女兒利蘊珍等，昨日盛裝出席沙田馬場舉行的莎莎婦女銀袋日，同場名模Rosemary和AnaR.示範8,000萬元HarryWinston鑽飾，一片珠光寶氣。
最愛《千王之王》
謝婷婷穿黑裙赴會，露出一雙古銅色長腿。昨日有報道指她的阿嫂張栢芝懷孕，婷婷聞言即說：「唔答。」有傳栢芝復出？她說：「都唔答喇，你哋自己問番佢。」問她可有興趣與哥哥及阿嫂合作？她說：「我唔介意，不過最想同爹哋合作。我最鍾意睇佢嘅《千王之王》，睇過兩次喇。記得16歲時睇，睇到佢俾壞人插眼，真係睇到喊！好心痛，即刻打畀爹哋，點知佢話『我鋤緊Dee呀，你都黐線！』我唔鍾意爹哋做壞人角色。」
記者指謝賢現實中也很惡，不時指要將記者「一巴打到黐埋牆」，婷婷即為父親解釋說：「唔係，呢個係佢口頭禪，係屋企人嘅insidejoke。」
「本來V到落胃」
徐子珊身穿Fendi粉紅裙示人，性感露胸，她說：「我係莎莎代言人，今日係重要日子，平時好少咁性感，本來條裙V到落胃，但我改咗，又貼咗膠紙。」見她胸口原來有一顆痣，她說：「一向都有，以前選港姐着泳衣都有，不過大家冇留意。」記者笑她「露一點」，她即說：「唔好咁講啦，難得着得咁靚，畀我靚一日啦。」
另外，大批前任、應屆年輕港姐如朱慧敏、高海寧及何傲兒等，昨日悉心打扮赴會，卻不敵利孝和女兒利蘊珍搶鏡。一向衣着大膽的利蘊珍，戴PhilipTreacy帽、身穿AlexanderMcQueen白裙，真空透點，她直認沒貼乳貼，她說：「唔緊要，冇乜嘢，我唔興貼。」
採訪：RitaLeung
攝影：ChanChiLam
