花旗股市上周勁插，周五嘅波幅就更加犀利，道指全日波幅超過1000點，最後跌128點收市，已經算好叻。
G7呢兩日開會密密斟，話會齊心合力救市，但係實質嘅方案則欠奉，因為各國既有合作利益亦有利益衝突，所以無咁易傾掂數，但如果仲唔快啲傾掂佢，全球股市將繼續大插。至於港股今朝嘅表現，就要睇區內股市點開。
和黃C輪14631：和黃（013）上周五收45元，日線圖現長尾錘頭，股價有回穩迹象，短線反彈睇55元，可以吼位買啲C輪14631博反彈，隻輪現價4.5仙，有效槓桿3.6倍。
正股升上55元，14631可見8.8仙，正股跌穿42元就沽咗隻輪止蝕。
俊樺