由美國佬引發嘅金融海嘯席捲全球，恒指萬五守唔住，一萬都隨時會出現，睇到都冇晒心機，但有危先至有機，話唔埋會造就好多人執番一筆。
好似德國咁，歐國盃決賽周後危機重重，隊長波歷克同經理比亞荷夫有心病，龍門安基喺練習時無端白事斷手，一對喺拜仁效力嘅前鋒高路斯同普多斯基就同個市一樣咁沉，今場對住由有料教練軒廸克領軍嘅俄羅斯，3分真係唔係穩袋。之但係，德國就係咁，總係喺俾人睇死嘅時候嚟料，好似今夏歐國盃決賽周8強對葡萄牙都係咁（最後贏3:2）。今迎俄羅斯，信佢哋可以幫我攞多個W。
主客和：德國勝
心得：德國喺危機之中先至嚟料
近5場往績：WWLLW
青蛙仔
睇德國波同埋英國波大，大個之後攻埋日本波，兼且對日本藝能界幾有研究。