黎姿（GiGi）前晚盛裝在君悅出席頒獎禮和慈善晚宴，她多年來擔任陳細潔和陳小寶代理的鯊魚丸代言人，她表示合約明年約滿，至於會否續約，GiGi笑說：「出年先算，或者留番畀啲新人。」她又透露雙方或者會斟洽將鯊魚丸放在她弟弟的美容診所中出售。
坐車震歪腰骨
談到早前到貴州探訪，GiGi說：「因為坐車太震，結果搞到腰骨歪咗，啲山路又崎嶇，真係差啲碌落山，不過見到啲小朋友真係覺得好值得，我曾經有衝動想領養一個小朋友。」她又計劃以弟弟黎嬰的名義在內地興建學校幫助小朋友。另外，原本GiGi昨日有份到屯門宣傳無綫新劇《珠光寶氣》，但公關表示她因事未能趕及出席。
採訪：楊潔雯
攝影：葉君海