呢期小圈子好熱鬧，有人結婚又有人生仔，都係值得開心嘅喜訊，而撈電影嘅「震波」，佢幾十歲人至第一次做老竇，梗係心情興奮又緊張啦，不過佢就緊張得過咗火嘞。
罷睇電影
震波今次安排老婆大人入住貴賓房，不過同一般產婦同一層，關仁有個大肚friend，咁啱又喺呢間貴族醫院生仔，話說朋友個媽媽去探個孫仔，老人家眼矇矇又盲舂舂，行錯咗去震波嫂間房，點知震波一見到有陌生人入嚟，就兇神惡煞咁大叫：「你望乜呀望！」嚇到老婆婆走都走唔切。
事後Auntie話：「明星生仔大晒咩，以後都唔睇佢啲戲呀。」話時話震波如果咁緊張不如包晒全層，咁咪冇人騷擾到佢哋囉。
Textby關仁
