陳百祥（阿叻）、趙碩之、關寶慧等昨日到九龍城廣場出席活動，平日性感示人的趙碩之昨日以密實裝束出現，她解釋是因為要玩遊戲為免走光，她與現場男觀眾玩「夾麵包」遊戲時亦顯得小心翼翼，避免與對方面貼面。
米雪未有異樣
原本曾志偉亦有份出席，不過他因有工作在身，所以就搵來老友阿叻代他做嘉賓，對於波友尹志強（尹佬）的病情，阿叻表示每次他們踢完波就會往探望他，不過他就未有正面回答是到醫院還是寓所探望，至於有傳尹佬曾需搶救三日，阿叻說：「唔係講得咁嚴重，我上星期見佢都唔需要搶救，生老病死要發生就發生，佢個胃開窿係好耐，係治療嘅一部份，食唔到嘢，自然就會瘦，佢好豁達，所有嘢都心中有數，仲會反過嚟安慰其他人。」阿叻還透露早前與米雪到重慶工作，米雪亦沒有表現異樣。
採訪：駱華齡 攝影：陳慧安