因病多番入院的尹志強，病況仍然令人憂慮。同是明星足球隊成員的羅家英，昨日出席粵劇推廣活動時，透露尹志強間中仍需入院，但情況不是外間揣測的不樂觀。他又指現時尹志強並非鼻咽癌，只是之前的病引發的後遺症，現需從胃部輸入營養。
尹志強的病情外間多番揣測，羅家英和汪明荃昨日一同出席粵劇推廣計劃，身為明星足球隊隊友的羅家英，被問到尹志強最近的情況時，他表示尹志強並不是鼻咽癌復發，他說：「鼻咽癌係廿幾年前嘅事，𠵱家只係有後遺症啫。」
鼻瘜肉常出血
一直與尹志強有聯絡的羅家英透露，各界朋友也擔心尹志強的病況，他說：「基本上佢𠵱家係後遺症有啲麻煩，佢食道同氣管出現問題，要喺個胃度開個窿，然後輸啲營養畀佢。開咗好耐㗎喇，同埋佢有個鼻瘜肉，搞到佢經常流鼻血，之前做過手術三次。」
至於現時的情況，羅家英謂尹志強並不是處於危險狀態，羅家英續說：「𠵱家唔係話康唔康復緊，都唔係話情況樂唔樂觀，唔好當係好危險嘅情況，希望佢唔好再有後遺症。」他指尹志強需要間中到醫院，亦稱所有消息從明星足球隊打聽得來。
八和推廣粵劇
另外，汪明荃在活動上欣賞粵劇，她說：「八和會館其實都同樣有做好多嘢希望推廣粵劇，粵劇學校已經開班教人，𠵱家已經有200幾個學生，各方面嘅人都做緊嘢。」
採訪、攝影：王連連
