郭羨妮昨日在電視城為無綫收費台的《星級廚房》擔任嘉賓，跟周中師傅學煮五道菜，郭羨妮聽到周師傅讚她的廚藝，而且更指她明年可以嫁得出，郭羨妮笑說：「我都好想快啲嫁得出，我唔係恨嫁，想結婚係好正常嘅事，好似Kelly（陳慧琳）愛情事業兩邊兼顧都冇問題，我都係因為未有拖拍，所以先專心工作。」
機上獵男怕醜
問到郭羨妮會否抗拒閃電結婚時，她說：「有嘅話我又唔介意，不過最好大家可慢慢了解，我想嫁一次就夠，結得婚都唔想離婚。」
此外，郭羨妮前晚出席在灣仔舉行的慈善晚宴，近期忙於往外地做宣傳的郭羨妮，她自爆曾有艷遇，可惜最後無下文。
郭羨妮說：「我喺飛機上見到一個男士，雖然幾合眼緣，但係我都冇主動上前結識，我唔知人哋有冇睇到我，而且，我當時都覺得有啲怕醜。」
採訪、攝影：何慧斯