新城原創「青」新音樂會前晚在九展舉行，參與演出的有謝安琪、藍亦邦、關楚耀及at17等，陳冠希（Edison）胞姊陳見飛則往捧場，因其男友Felix也有份演出做鼓手。陳見飛被問到其弟陳冠希何時回港時，她說：「未知幾時，不過佢𠵱家心情好好，早排生日有媽咪陪佢慶祝，佢𠵱家學緊電腦設計，佢會返香港嘅，因為都掛住香港。」
「做事好誠懇」
對於陳冠希早前透過律師通知警方不會出庭為淫照案作供，陳見飛說：「睇吓需要啦！𠵱家未有計劃，爸爸都有問過佢幾時返，不過佢慢慢學吓嘢先，𠵱家細佬好生性，做事好誠懇，佢間時裝店生意好好，佢有時會去波士頓探女友。」
此外，藍亦邦近日為新碟感到壓力很大，他覺得近期有不少韓星相繼自殺，同是因壓力問題所致，幸好他沒有自殺傾向，不過五年前有舊同學約他見面，他未有應約，結果對方自尋短見，令他十分後悔。
採訪：王連連 攝影：陳順禎