韓國女星金泰希，繼4年前嘅《哈佛愛情故事》後，將再接拍韓劇，佢會喺李秉憲主演嘅新劇《IRIS》入面擔任女主角，兩人齊齊扮國家情報局特殊要員，制止各種恐怖活動發生。希妹今次除咗會大改形象，扮演一般韓劇睇唔到嘅理智同強硬女性角色外，仲會同憲哥及另一男拍檔發生三角戀。呢套劇製作費超過1億港元，預計明年夏天喺韓國播放。