佘詩曼和廖碧兒前晚在圓方W酒店出席一個相機宣傳活動，二人均以露肩晚裝出現，但以廖碧兒的豐滿谷胸身材較勝一籌。
「佢唔係花心嘅人」
阿佘接受訪問時，被問到緋聞男友鄭嘉穎被指5年內力追6花旦一事，她嬌俏地笑說：「咁犀利呀，個個都係靚女喎，有冇咁犀利呀。佢𠵱家好紅，真係好羨慕佢，本本周刊都搵佢做封面，通常女藝人做封面多啲，佢今次攞晒着數啦。」
記者再問可覺得鄭嘉穎是花心的人？阿佘說：「我識佢唔係花心嘅人，佢以前有個女友拍咗一段長時間，拍咗成7、8年㗎，佢應該唔係花心嘅。」記者指鄭嘉穎被封做新一代韋小寶，阿佘笑說：「佢就想咯。」
此外，阿佘和廖碧兒各獲贈一部名貴相機，阿佘自言正在學習攝影，她會為家中小貓影下成長過程，記者問她有否為鄭嘉穎影相？她即說：「冇影過喎，唔好嚇我呀，平日開工唔會帶相機。」廖碧兒則剛由格陵蘭拍特輯返港，但由於當地天氣嚴寒，令她冷病回來，她又展示在當地親自拍下的風景照。
採訪、攝影：卓寶花