韓國女歌手李孝利獲嚴正花告知，早前自縊身亡嘅崔真實遺下嘅一對年幼子女係自己嘅fans後，上星期三（8號）晚低調探佢哋。利妹為免勾起一對小朋友喪母嘅傷心事，整晚擠出笑容同佢哋玩，仲送上親筆簽名唱片，為呢對小兄妹帶嚟點點溫暖。不過當利妹其後同崔真實嘅家人講及崔真實自殺以及一對小朋友嘅將來時，佢就忍唔住喊。