寰宇老闆林小明和趙雪英的婚變事件，有指江若琳牽涉其中，曾跟丈夫劉坤銘共度患難的羅霖前晚力撐趙雪英，指「男人有錢就身痕，鍾意靚女」。
羅霖、張天愛、陳鴻業和名模陳沛嘉等前晚在中環出席東方錶行開幕酒會。羅霖表示近期很留意林小明和趙雪英婚變以及江若琳被指捲入其中，更被爆戶口只得幾十元的新聞。
「啲後生女幾犀利」
羅霖說：「我好同情嗰位太太，富貴唔可以共享，佢又生瘤，希望佢要珍惜一切同埋愛惜自己。一個人銀行戶口點會得一個？應該有好多個。」即不相信江若琳？她說：「梗係唔信啦。」
問她可是站在太太陣營那邊，羅霖即說：「我係太太，梗係企喺太太嗰面，表面睇，佢幫咗老公好多，畀咗老公好多嘢，所有做丈夫嘅都應該要珍惜，但啲男人有錢就身痕，鍾意靚女，佢哋食得鮑魚多，都鍾意食鹹魚白菜。」
問羅霖若見到趙雪英，可會當面鼓勵她？她說：「唔使，我𠵱家已經講啦，𠵱家啲後生女幾犀利，唔會因為人哋有老婆而疏遠，以前都試過有家室嘅人追我，我都拒絕，因為唔想破壞人哋家庭，同埋啲男人係有錢玩一陣嘅心態。」
多年來，可有後生女追其丈夫劉坤銘？羅霖說：「我梗係唔知啦，知都離咗婚啦，我成日都警告佢唔好行差踏錯，三個仔都成日一齊畀warning佢。」
採訪、攝影：羅慧敏