金融界議員李國寶過去四年同李柱銘、鄭大班一齊坐，今年兩個鄰居都唔角逐連任，左右新鄰居分別係「中指黃」黃宜弘同葉劉，可謂人面全非。
當年葉劉推23條時，寶哥哥係其中一個公開反對嘅商界人士，兩人關係如何可想而知，寶哥哥噚日主動同中指黃調位，唔坐葉劉旁邊，搵中指黃隔住，寧願坐路口位。正所謂道不同不相為謀，話不投機半句多，寶哥哥同葉劉一齊坐，又確係幾悶。
有人話寶哥哥同人解釋，調位係因為想方便出入，佢外號「三點不露」，即係開一陣會就鬆人，坐路口位都有好處，葉劉對寶哥哥要求調位不以為然，話唔知發生乜事，「你哋問佢啦！」