今日28歲生日的熊黛林，昨日和樂基兒、Rosemary及黃家諾女友等齊齊做騷，過氣天王嫂被問到其「隱形男友」郭富城時，繼續故弄玄虛，而同場「黎明嫂」樂基兒則愛得名正言順，大談恩愛家居生活情趣。
時裝品牌Episode及Toppy等昨日在中環開騷，樂基兒、熊黛林、Rosemary等13位模特兒，示範60多套新裝。
獨自遊亞瑪遜
曾被傳口和心不和的兩位天王嫂熊黛林及樂基兒，昨日又同場工作，熊黛林今日28歲生日，樂基兒大方sayhi，她說：「唔知佢生日喎，我哋都係一齊行騷啫，做騷好fun，唔係大家咁睇。」男友黎明出名愛車，年初就花了120萬元買GTR跑車，其後又擲380萬元買開篷Bentley，對於男友大花筒經常買新車，樂基兒說：「最緊要佢開心。」剛自亞馬遜回來，問她可想和黎明同行？她甜笑說：「佢睇到相，見到我開心，佢就開心。佢怕蟲，我哋兩個都怕曱甴，所以唔啱佢去。」問到家有曱甴怎辦？她說：「咁就由我拎吸塵機對付，佢就望住我囉。」
收吉盒都開心
至於由北京趕回港的熊黛林，揚言希望過一個輕鬆生日，不會刻意找人陪，她說：「是但捉到邊個就邊個囉。」問她可會是城城，她說：「唔知喎，唔講喇。」至於生日禮物，她說：「收到啲女仔送嘅首飾同小禮物。」那有否包括城城的禮物？熊黛林說：「唔知呢，都未到生日，收乜嘢禮物都唔緊要，收到空盒，拆都開心。」提到生日願望，她就說：「希望可以維持工作量、收入，同埋做嘢有激情囉！」
採訪：JessicaNgan
攝影：ChenWaiOn