張惠妹噚日喺台北出席記者會，宣佈下月22日同羅志祥、蕭敬騰一齊開騷。最近歌手曹格同女友未婚產子，阿妹被問到有冇興趣同男友何守正效法一下，佢就話如果雙方經濟條件同感情夠穩定，都唔排除未婚生子。何守正都啱晒阿妹嘅條件，阿妹就話：「順其自然啦！」仲話有咗一定生喎，咁小瑪歌等收阿妹嘅喜訊啦。