噚日傍晚，華華收到香港總商會嘅電郵，總商會工商政策副總裁陳偉群博士（圖），前晚喺西班牙病逝，終年50歲。
西班牙中風
陳偉群可以話係WTO專家，90年加入總商會，佢同時帶領總商會嘅服務政策智囊團「香港服務業聯盟」，喺多個世貿議題嘅工作，擔任重要自由貿易談判專家。
諗起每當有關於世貿嘅新聞，唔少華華嘅行家都會搵陳博士comment幾句，佢唔會拒人於千里，每每詳細分析。對於佢突然離世，認識佢嘅人都好惋惜。
據講，陳偉群上個禮拜同太太去西班牙度假時不幸中風，跟住送咗去巴塞隆拿嘅醫院治理，當時佢太太同兩個女都陪喺身邊。