沈卓盈由「正字妹」搖身變成兒童節目主持人，24歲的她樣貌與陳法拉有幾分相似，也許她不及法拉風騷，但算有樣貌有身材，困於兒童節目中確難打出一片天。日前沈卓盈在尖沙嘴接受訪問時便說：「𠵱家拍劇機會多咗，但都有做兒童節目，所以拍劇角色唔可以太性感、太壞，一定要做乖乖女，角色有啲困住。」
唔做譚玉瑛接班人
問沈卓盈有否想過當兒童節目元老譚玉瑛姐姐的接班人？她笑說：「未輪到我！做兒童組係開心，但我更想嘗試拍劇，想行大個啲嘅路線，俾人感覺成熟啲，唔好咁大姐姐。唔係個個做到阿譚呢個地位㗎！」
沈卓盈是老翻法拉，她眼中的法拉叻女、人靚樣甜、身材好。不過提到法拉上位原因是夠博夠性感，行斯文路線的沈卓盈會否轉行性感？她不諱言：「當然想開放吓自己，但都要等機會。我唔介意性感，鍾意健康性感，唔好太暴露，好多女藝員都可以好靚好性感，唔係俾人感覺好肉。」
採訪：朱倬誼 攝影：林德雄
服裝：RebeccaTaylor、Roxy
髮型：VanChan
場地：Cucina@馬哥孛羅香港酒店