台灣土產電影《海角七號》票房大收，令男主角范逸臣（圖）同配角、台灣音樂人馬念先人氣急升，范逸臣喺片中唱嘅歌曲大受歡迎，該片導演魏德聖將八首歌同七封情書對白收錄成原聲大碟，今個月24號就推出。范逸臣話原聲大碟嘅歌係以佢現實中嘅身份同情緒去演繹，小瑪歌都好期待。馬念先近日幫綠茶做代言人，廣告暗示冇酒精成份，但實質有酒精嘅，所以被批評有誤導消費者之嫌。