已婚名模歐陽妙芝近年計劃多多，代理紅酒、開酒吧、搞化妝學校，昨日她和化妝師GaryChung合作，投資六位數字在銅鑼灣開設有機嬰兒護膚品店「美肌士多」。她昨日帶同三歲大仔Achille、11個月細仔Atills一同拍廣告，向來好動的Achille卻變得乖巧，和弟弟一個打鼓，一個聞歌起舞，十分有趣。
歐陽妙芝說：「呢幾排我哋一家四口都做咗白老鼠，齊齊試product，用得好先會入。叫士多，因為細個喺士多買嘢嘅回憶都好開心。」她謂老公的酒吧生意已轉手，改為做太陽能產品，她說：「佢最鍾意發掘新玩意，唔試唔甘心，我就要穩陣派，小本經營。」
遊澳激親乖仔
妙芝日前才和老公兩人去澳洲慶祝結婚四周年，更順道捧偶像劉德華開騷，她說：「幾年嚟瞓得最舒服係呢兩晚，不過返到屋企，大仔嬲晒我哋鬧情緒，細仔扁嘴唔准我哋抱。」
採訪、攝影：LawWaiMan