內地當紅男星孫紅雷，日前俾內地傳媒拍到佢同一個長髮女子十指緊扣行街，話說佢當日出席完北京電視台新樓嘅啓動慶典之後，就自己一個離開會場，原來佢即刻去咗會合呢位身形高䠷、長髮戴黑超嘅女子，佢哋去到王府井附近行街拍拖，再出席完另一聚會之後，就雙雙返咗去孫紅雷位於昌平嗰間別墅㖭！